Ministaajo hakkilinowo fiiji barkaaji leddi ha leddi Najeeriya, Dr. Oladele Alake, yonitiri Ardibe ha nahiya Africa duuw haura hoore hakkunde mabbe ngam be bototira be barkaaji leddi ko faumirawo hokki lesde mabbe nder nahiya kan.
O hokki sauruye nde on ha wakkatire nde o yaliri ha hauritirde maunder de Ardibe nahiyakan wadi jude ngertdotiral naftiraago be barkaaji lesde den yebre shappan e tatabre duum duggina ha Cape Town, fada lamorde leddi Africa fombinaari.
Dr. Alake, suptama horeejo kautal lesde den ha moftorde majum, ha o holli bote naftiraago be barkaaji din daga jonta ngam larugo no risku lesde duddde nder nahiyakan lori bawo, ngammai o wii wakkati wadi nde barkaaji lesde den nafata bibbe marri.
Lamar kan hebi yalirki ministaajo fiiji barkaaji leddi Uganda, mo leddi Congo, (DRC), mo leddi Sierra Leone, Somalia, Sudan, fombinankere Chad, Botswana, Zambia be Namibia.
A BELLO
