Commitiru holaabe jamdiyya PDP ha hukuuma pamara Dekina nder jiha Kogi wadi chuubi yerduye be ardungal Ardiido jamdiyya kan ha hukuuma pamara mai, Alhaji Hussain Ibrahim. Duuw be pat mabbe jokke mabbe do satti be ardungal horrejo on.
Ha habaruuwol fere ngol wakili’en commitiru ndun wurtini ha Lokoja nyande altine do be fu mabbe be daini koe mabbe be habaruuji goddi di hollata duuw ardiido on darnama daga ardungal jamdiyya kan duum commitiru ndun holli na be jude mabbae hambe ka bedo yerdi be ardungal makko.
Ardibe jamdiyya kan ha nder pattule jenai on wadi gidal mai ha seketeriya mabbe wonde Lokoja ha be holli be fu bedo yerdi be ardungal horeejo mabbe.
Nde o hallidanno be tefobe habaruuji tippungel bawo jonde nden, bolinowo commitiru ndun wurtido daga fattude Ayingba ha fahin mo latake Ardiido jamdiyya kan ha fattude den, Alhaji Isa Amidu, wii jamdiyya PDP hebi jahol yesso masin ha less ardungal Alh Ibrahim ngammai sedei be manamo be tinaare nde o wadata amma be bortatamo kam.
A BELLO
