Ngomnaajo jiha Borno, Babagana Zulum umri Ardiibe hukuumaji pamari hunnabe kesum duuw be tabitina be judi ha office ji mabbe daga fajira ha yahugo asira nden be wada jude ha deftere regista je natugo be wurtugo mabbe fu, ngam tabitina be do jode ha office ji din.
Zulum hokki umrore nden on nyande altine ha Maiduguri fada lamorde jiha kan ha wakkati nde o honnanno be duuw darnde mabbe ardibe hukumaaji pamari 27 nder jihakan suptabe nder balde de.
Ngomnajo on umri hukuuma ka hakkilinta kude hukuumaji pamari ha jiha kan duuw wanna ardibe ben gite hokka komoye nder mabbe dereeji wadugo jude duum be wadata je jamdi 8 fajira, jamdi 2, naage, be jamdi 3 e reta kikkide.
O wii jabrude den warti dole on ngam yigo no ardibe fijirta be kude mabbe ngammai ngomnati makko wannan ardibe hukumaji panmari gite masin heba no be darira be duggina kude kimminide de jahol yesso ha labbaje mabbe.
A BELLO
