Directaajo maudo mo sare Radio kongol Najeeriya VON Mallam Jibrin Baba Ndace, holli bote sembidinki yaake kude soja’en leddindi ngam be heba dabareeji be sembe wautugo billaji soinde rento duum yidete be mai jonta ngambeddanabe daraja ha nder leddi ema lesde duniyaru fu.
O wolwi banning mai on ha lamar wallufuggo deftere windande duuw ngurdam Lieutenant Colonel Zando Danjuma’ mo duggidi be kude soja nder dubi duddu shaludi nden fahin o walliti masin ha tinaare hebango leddindi rento ngammai on wadi be windi deftere duuw tariha makko.
Ha lamar mai Ndace yonitiri jarida’en be luttube chakkobe habaruuji duuw winda habaruuji kandudi ha kude ko rentobe kabdata be mum ha leddindi ngamheba sattina be jokke dugginki kude rento majum bana no mara haje..
Lamar on horri hakkili on ha tinare nde soja’en ngadata musamman duuw kude rento Brigadier General Sani Usman Kuka Sheka on windi deftere nden ngam wallita ha hebugo narra ema famtotiral hakkunde soja’en be ummatote gure.
A BELLO
