Kawtal julbe nga Ahmadiyya Muslim Jama’at ha Lesdi Naajeeriya tefri haboobe haa Lesdi Israela acca habre ndem habdana joonde jam.
Be ummaatoore hakkunde Rewbe ‘e worbe ko hewtanta ujineeje sooyi yonki mabbe nder Lebbi sedda haa kabe den.
Hooreejo kawtal ngal Ahmadiyya Muslim Jama’at, Azeez Alatoye, kanyum on wadi noddaandu ndun haa nyawndorde mabbe nder Jihawol Kano wayla cakantaari Lesdi Naajeeriya.
Kadima, O naftori bosesel wakkatiire nden O tefani Lesdi Naajeeriya joonde jam haa nokkuuje yiidata bee yanngadaaji ‘e gannudi soynde rento.
Alatoye besdika bee wiki Diina Islaama dum Diina on jee joonde jam yida fitnaaji sam.
Nder jawaabu lamdo Kano, Aminu Ado Bayero, mani tiinaaje be kawtal ngal bee bee omtuki nyawnder nden haa giifakan hawtade bee wiki nde wallan sanne haro hurguki gannudi nyawndiigu haa jihakan.
Nden O tefri ummaatoore Jihakan joga nyawndorde nden bee juude 2 ngam be botira bee maan.
Kadima O tefri ngomnati wamba baawo kuude kimminiide dum kawtal ngal wai ngam be besda tiinaare.
Nyawndor de nden hoosan nyawbe ko hewtani 100 hawtaade bee nokkuure foondo I’yam.
Nyawndorde aranndeere dum be kawtal ngal Ahmadiyya Muslim hospital haa Jihakan fuddaama on iga 1962.
Bedo nyawnda Gite,Noppi,nyii’e haa Bompai, nder Kano wayla walaadu hirna Lesdi Naajeeriya.
SADIQ ALFA
