Ballo ardiido jamdiyya APC ha nder gifa woilankere leddi Najeeriya Alhaji Ali Dalori, manni ngomnati jiha Borno be dugginki chuubi hukuumaji pamari nder jonde jam e de’ende nyande asawe salunde do.
Ballo Ardiido jamdiyya kan wadi manore nden on nyande alat salunde ha wakkati nde o hallidanno be tefobe hebaruuji ha Maiduguri fada lamorde jihakan tippungel bawo nde hukuuma chuubi andini wattam chuubi humkumaji pamari di duggina nyande asawe do.
Dalori, mo latake ha jiha Borno ha wakkati chuubi majum dabbitiri natibe chuubi din musamman be latake kebai nasaraku duum be munya be jaba wattam chuubi din jude didi ngam heba wallita ha tabitinki jonde jam hakkunde ummatore jihakan jonde wore.
O yonitiri hebibe nasaraku nyami chuubi din ha hukuumaji pamari 27 hautande be cansila’en nder pattule 312 duuw be habda be duggina kude jahol yesso je wallititta himbe suptibe be, ha fahin be dabbita daribe be mabbe ngam be kauta be kuda.
A BELLO
