Majalissa jewetataba jiha Kogi yerdi be lamminki Yakubu Siyaka Adabenege duuw darnde Oditoojo maudo mo jihakan bawo nde majalissa kan yembimo nden tawi odo marri andal jogago kude office run dun nyande alarba salunde do.
Adabeneg suptaama bawo nde ngomnaajo jihakan Yahaya Bello, yerbi ende makko faago majalissa kan ngan anda ko ohandani korowal majum,
Adebeneg latake no wallowo ngomnaajo suptado kesum ha jiha kan Usman Ododo nden hanko Ododo hanko on latino Oditoojo maudo mo jihakan bako be suptamo ngomnaajo ha less ilal jamdiyya APC ha chuubi di jihakan duggini nder leuru November hitande rowani.
Nde o wannanno majalissa ‘en mai jawaabu tippungel nde be yerdi be makko Adabenege efti alkawal faddugo kude mosle ha kude makko nden o habda o jokka ha mo o jabani darri ngam beddugo kude jahol yesso ha hukuuma kan.
A BELLO
