Majalissa dogginirngal kude Ngomnati jiha Benue nder gifa shakantere leddi Najeeriya yerdi be umtugo jangirde eltol huwobe kude ngomnati jihakan ngam beddina be andal ema basira kude heba be mara tidal ha dugginki kude mabbe de hande ema jango.
Shakowo habaruuji ha office ru ngomnaajo jihakan Mr. Tersoo Kula on famtini banning main de o hallidanno be tefobe habaruuji tippungel bawo nde majalissa kan timmini jude mabbe nde be wadi nyande alamissa do ha Makurdi fada lamorde jihakan.
O wii mabbutuggo jangirde nden do marri himmidinare masin ha wallugo huwobe mara ande be basira kude ha fahin duum sattinan huwobe ben jokke andugo no be kebira nasaraaku ha kude de be kuwata fu.
Ha fahin o andini umtuggo jangirde nden warti dole on ngam huwobe ho’abe kude do habda be billaji duddi hedi kolarani soinde basira kude be soinde andugo no be hebira nasaraaku ha kude mabbe.
A BELLO
