Julbe wadni ardiido Lesdi Naajeeriya Bola Ahmed Tinubu, enanta faadama’en maako hawtaade bee Lesdi Naajeeriya.
Be tefani lesdi naajeeriya joonde jam bee jahargal yeeso Lesdi ndin nyennde Jumbaare Do’a haa juulurde jumbaare nde Nnamdi Azikiwe Street haa Lagos Island nder Gasol Lagos wakkati ardiido on tawaama haa ton.
Wakkati huduba haa juulurde nden Limanjo on Sheikh Suleiman Abu Na’Allah, tefri juuloobe enanta naa julbe fu dow hula ALLAH.
O tefri julbe bo tokka dabiyaaji annabiijo SAW acca feerotiral Le’I ko diina hakkunde ummaatoore.
Bawti timminki julde Alhaji Sikiru Alabi Macfoy, Bashorun Musulumi mo Lagos enanta ballo hooreejo juulurde mawnde nde jumbaare haaLagos tefri Ardiido Tinubu hokka umroore be acca hadol juuluki jumbaare haa juulurde Dodan Barracks anndira Obalende juulure salli keere.
Alabi-Macfoy wi numti ndenno Ardiido Lesdi Naajeeriya boymaajo Muhammadu Buhari tiggi no comitiwa musamman ngam lincita ko wadi sababu gannudi hakkunde ngomnati bee nanta Julbe haa nokkuure nden.
SADIQ ALFA
