Ballo Ardiido Lesdi Naajeeriya wi be wadan fdde bawde ngam jam hebe haa Bakkeeje igbo ‘en
Ballo ardiido Lesdi Naajeeriya Kashim Shettima wi ngomnati mabbe waddan ragare saatagidku’en haa bakkeeje Fombina walaadu Fuuna Lesdi Naajeeriya.
O wii hallube ben wadoobe kuude saata gidku’en do be tinndinaama dow dala tokkitanki siyaasa’en hallube wakkati be mari haaje mabbe.
Nder jawaabu maako O wi Ardiido Lesdi Naajeeriya iga ko magi daddaare Laamu wanngini mettan beramji maako sanne dow ko laarani hallube ben enanta ardiibe be yida jahargal yeeso bakkeeje den enanta Lesdi Naajeeriya no foti.
Senator Shettima suuditi haalakan wakkati o yaano lamar tefre joonde haa Galluure Bende nder Jihawol Abia.
Ko nden O yaadi bee tumbaljo wakiili ‘en majaliisaabe Benjamin Kalu.
VP Shettima besdi ka bee wiki Ardiido Lesdi Naajeeriya Bola Ahmed Tinubu mettini sanne bee tampere kilantaaji riskuuji no haandi haa bakkeeje den ngam gannudi ko nokkuure nden wontiri.
Be tinndini jabrude kanndudo ko hoosete haro yiiki anniyaaji mabbe kanndude ko waddata joonde jam haa bakkeeje den hjebaama.
Ardiibe teddube iga ngomna’en ,majaliisaabe, siyaasaabe kastaabe fuu tawaama haa ton nder mabbe woodi ballo hooreejo wakiili’en majaliisaaru ndotti’en Barau Jibrin; tumbaljo wakiili’en majaliisaabe, Hon. Tajudeen Abbas, hooreejo (APC), Dr. Abdullahi Umar Ganduje, enanta luttube.
SADIQ ALFA
