Wakiili’en majaliisaabe yerdi dow ko laarani ceede ko majjinte haa kuude ko taskani wadeeki nder hitaande 2024yaaki 2026 (MTEF/FSP).
Yerduye haalakan wadaama bawto rahootowol ko laarani no majjinte Ceede den haa hukuumaaji enanta luttude gollirde ngomnati dum wakiiliijo Senator Sani Musa ardani comitiwa man.
Nyennde Alarba on wakiili’en ben timmini taskaramji mabbe bee yerduye haalakan haa giidal mabbe bee wiiki ceede ko hewtani N7.8 trillion on be jabata nyamaande ngam kuude hitaande 2024, nder ko tammi majjinki haa ceede hiiso Lesdi ndin ko hewtani N26 trillionji.
Hooreejo wakiili’en ben, Godswill Akpabio, kanyum on suuditika haa giidal mabbe ngam heptuki burdube duudugo yerdube haalakan nder mabbe.
Kadima wakiili’en ben meti duudka hawtaade bee ko laarani be hadol ko nastinte Are nder Lesdi Naajeeriya.
Hoore’en wakiili’en ben tefri be be commitiiji haa majaliisaabe ben yawna wadol taskaramji ko firlititta diidaadi ko hakkatabe jarfu huuwuki ko haandi di Act (FRA, 2007)
Haaragare wakiili’en ben hoosi jabrude kanndude ko laarani no ceede nastooje hebirte wala gacce hawtaade bee gollirde godde no huuwirte ko haandi nder Lesdi Naajeeriya.
SADIQ ALFA
