Kautal huwobe ha sare majalissa jiha (PASAN), darni tikkere kude nde be dillino sababu soinde hokkugobe ndimu hebugo cheede mabbe duum ngomnati jihakan hoinino be alkawal nder hitande rowani.
Ardiido kautal mai , Abdurashid Abarshi, on andini jabrude darnugo tikkere kude be dillino man nde o halidanno be tefobe habaruuji ha Kaduna nyande salasa do, ha fahin ardungal kautal mai hokki umrore lorugo mabbita dammungal majalissa kan duum be mabbino daga ko be fuddino tikkere nden.
Abarshi beddi wiigo be darni tikkere kude mai on bawo nde be ngadi jonde famtotiral hakkunde ardungal kautal mai be wakili’en ngomnati jiha Kaduna nden bo be yerdotiri duuw ngomnati hokkanbe ko be dabbiti nabe wonnugo wakkati.
O yonitiri wakili’en mabbe ha be ngoni fu be njauna hotugo babe kude mabbe nden fahin be rena nebatado haaje mabbe fu huban sina non bo be loran be dilla tikkere kesu pul.
