Maudo police’en leddindi , IG, Kayode Egbetokun hokki horeejo police ‘en jihakan watau commissioner police jiha Imo Mr Mohammed Barde umrore yerbuki rentobe police ‘en heibe faago fada lamorde police ‘en jihakan be ko yawwi.
Do mai bo wurtinaama on ha habaruuwol ngol bolinowo police’en leddindi , ACP Olumuyiwa Adejobi wurtini nyande altine do ha Abuja titanta wakkati nde jihakan taskititta dugginki chuubi ngomnaaku nyande asawe waratado.
Owii yerbugo rentobe heibe mai warti dole on ngam yigo chuubi ngomnaaku do titi duggineego ha jihakan nder asawere nde heba chuubi nyande 11 reuru November wade nder de’ende.
Adejobi beddi wiigo be dudal rentobe on chuubi wawata wadego nder jonde jam ngam yigo kala nde chuubi wadete ha leddindi fu musamman jiha Imo duum wowi hebugo billaji sonde rento be fitinaaji kalludi.
