Ardiido hukuuma honowa mosle nga leddi, EFCC Mr Ola Olukoyede dabbitiri ardibe jangirle maude ha leddindi duuw be kokka hukuuma kan bawal bawo heba no hukuma man honira wujjobe ko jambobe himbe ha labi matotiral ngal jamanu.
Ardiido hukuma EFCC man wadi yonandu ndun on ha wakkati nde o yidanno be Ardine jami’aji, jangirle kimiyya e fasaha, jangirle eltol mallum’en, ha jiha Kogi nyande altine do o wii dole be kokka EFCC bawal bawo ha honago kude kallude nder labi matotiral ngam hisna ummatore asar ka be mbowi wadugo.
Olukoyede famtini duuw duddbe do jambe hedi labi matotiral ngammai to be yidi be fadda kude kallude den dole on seto be wallotiri be ardibe jangirle leddindi bakko kude kallude den wara ragare ha nder leddindi.
O manni hukumajii rento be tinarre nde be mbowi wadugo ha nangugo jambotobe himbe, duum o holli jonta warti bononda kalluka ka wannata jamaaje dudbe asar ha jaule mbbe.
