Jaaburuwa hakkilanta shaanu foondo pijirle haa Lesdi Naajeeriya (NNL) wi fabbitini fuddol pijirle dum be taskanino jee 2023-2024 bananta no be anndinino.
Hooreejo jaaburuwa ngan NNL, George Aluo wi be fabbitini fijirde nden ngam hokka tokke fijoobe jarful timminki tongitaago inde mabbe ngam fijirde nden.
Ndenno be taskani fijirde nden 28 Lewru October.
Aluo besdika bee wiiki be fabbitini ngam gannudi kilantaaji riskuuji Lesdi Ndin wontiri on.
”min mittini fabbitinki pijirle den de 2023/2024 bananta min taskanino amma min tammi yeccuki ndeye min fuddata fijirde nden bawti tokke fijoobe timmini ko haandi fu.,”
Haaragare hooreejo NNL sawri tongitoobe inde mabbe fu yawna timmina tongitol man dooko 3 Lewru November ngambe anndina wakkati fijirle den fuddete to jam.
SADIQ ALFA
