Ardiido Lesdi Naajeeriya, Bola Ahmed Tinubu, wi kiita dum hiitorde ndun mawndu hiitido hokkimo jarfu besdol sukle sane kolaarani kuude maako boddi di O taskani huuwanki ummaatoore Lesdi Naajeeriya wala feerotiral le’I mallabo diina ko jam’iyaaji.
Ardiido Tinubu suuditi haalakan on bawti be timmini kiitakan nden be wanngini bindaangol ko sappi kalimaaji maako ko wi jotta on ‘en nyibata Lesdi Naajeeriya ‘en fuumeeden no haandi wala gacce kadi.
Tinubu besdika bee wiki O hokki shaanu diidaadi sabbungo bee no be de’itiri haa be timmini kiitakan hannde nden fakat O anndi be diidaadi do wada ko haandi bee tokkuki ko diidaadi sappi haa Lesdi Naajeeriya.
O doo on labbini dow jam’iyawa APC on hebi nasaraaku nyaamuki cubi ardungal Lesdi Naajeeriya gadaadi 25 February ko hokki mo nasaraaku.
Kadima Bola Ahmed Tinubu wi tsakaramji maako di hesditinki tammunde ummaatoore Lesdi Naajeeriya besdi hebuki sembe no wadirte.
Haa ragare Ardiido Lesdi Naajeeriya Bola Ahmed Tinubu holli seyo maako sane no kiitakan timmiri nden bo O usi ummaatoore Lesdi Naajeeriya bee hokkuki mo bosesel Ardanki be nden bo O wadan fodde bawde mabbe haro yiiki O hebbitini yidannde mabbe haa ardungal maako.
SADIQ ALFA
