Ministaajo mo hakkilanta shaanu maatootiral enanta waytinki ko’e ummaatoore, Mohammed Idris, wi Lesdi Naajeeriya besdi sukle sane haro waytinki ko’e sukaabe hedi laabi kubaruuji (MIL).
Ministaajo on suuditi haalakan wakkati O hawtani Lesde duuniyaaru dow ko laarani seyo lamar shaanu waytinki ko’e ummaatoore bee kubaruuji kanndudi (MIL)
O wi“Ardiido Lesdi Naajeeriya jinni darned masin ngam yiiki waytini ko’e musamman sukaabe bee kubaruuji kanndudi ko laarani taskaramji jahargal yeeso ummaatoore Lesdi Naajeeriya no haandi.,”
Ministaajo on wolwi haalakan haa yeeso ardiibe kastaabe be shaanu kubaruuji haa hodorde majaliisa moobgal Lesde Duuniyaaru UN wonnde haa Abuja Laamorde Lesdi Naajeeriya.
Ko nden on Idris tefri ardiibe enanta kubaru’en kastaabe be ngomnati enanta joodiibe joonde ko’e mabbe fu hawtana ngomnati haro waytinki ko’e ummaatoore hedi kubaruuji laabdi ko waddata jahargal yeeso nder Lesdi ndi’i.
Kadima O wi UNESCO neebi do waytina ko’e ummaatoore dow ko laarani kubaruuji di haandi.(MIL)
Diallo Abdourahamane, mo luutani hooreejo UNESCO, hokkiido sembe dow be besda lurniki hakkiilo hedi ko laarani saakol kubaruuji di jamanu waddi anndira digital networks ngam hokka moyefu jarful metuki ‘e besdaari anndal nden niiman on tan yawnata tencaaki kubaruuji pewe.
SADIQ ALFA
