Hiitordu mawndu ndu Supreme Court haa Lesdi Naajeeriya ta’i kiita dum mo PDP, Atiku Abubakar,enanta mo LP, Peter Obi, nadi haa mabbe dow ko laarani cubi ardungal Lesdi Naajeeriya gadaai 25 Lewru feb ko hokki Bola Tinubu mo APC nasaraaku.
Ballo ardiido Lesdi Naajeeriya Boymaajo Atiku Abubakar enanta Obi be wi be yerday bee ko hiitordu gullitaali hiitino do.
Ndenno ma , Atiku enanta Obi, hukuuma cubi nga INEC anndini dow PDP wari didabre nden LP wari tatabre haa cubi din
Alkaaliijo Inyang Okoro on janngi ko Atiku Abubakar wolltiri haa hiitordu ndun.
Haa ragare hiitordu ndun wi labbini dow Ardiido Lesdi Naajeeriya Bola Ahmed Tinubu mo jam’iyawa APC on hedi nasaraaku cubidin nden kanko on Ardiido Lesdi Naajeeriya.
Ta’iido kiitakan mallabo Alkaliijo on Justice Inyang Okoro, dooko O hiitaka O wambi baawo ko Hiitordu gullitaali hiitino (PEPC), ko meedino kiitakan.
Hiitordu ndun ma meedi kiitakan bee wiki yaha dabbita hujjaaji kimminiidi dow ko laarani kiitakan.
Hiitordu ndum meedi kiita mo Jam’iyawa PDP naadi haa yeeso mabbe bee wiki wala hujjaaji kimminiidi non kadima be meedi kiita mo jam’iyaw LP, Mr. Peter Obi, fu ngam soynde hujjaaji laabdi bananta Hiitordu ndun sappi.
SADIQ ALFA
