Kawtal Fulbe ngal Miyetti Allah Cattle Breeders Association of Nigeria (MACBAN), haa bakkeeje Fombina walaadu Fuuna Lesdi Naajeeriya wadani Naajeeriyaabe barka bee hewtuki Duubi 63 ko ndi hebira ndimu hoore maari nden wadi tefre joonde jam kawtal koppi ‘e jahargal yeeso kilantaaji riskuuji nder Lesdi Naajeeriya.
Hooreejo kawtal ngal MACBAN Lisal Jihawol Anambra, Alhaji Gidado Sidikki,kanyum on wadi tefre nden haa galluure Awka, laamorde Jiakan.
Nder jawaabu maako O wi , “Allah hawti’en ummaatoore Gootel hokki’en barkaaji Lesdi fuuburni’en duudal nder Lesde Africa fu wadani’en darajaaji nder Adunaaru fu walaaku lutti ALLAH hokkay ‘en.
“mi tefri ummaatoore Lesdi Naajeeriya fuu wada fodde bawde faaki joonde jam ngam ‘en heba jahargal yeeso no haandi haa Lesde Duuniyaaru fu.
“nasaraaku fu do hebe bee kawtal kopi enanta joonde jam haandi ‘en fuddira bee labbaaje,Galluuje,Jihaaji enanta Bakkeeje fu under Lesdi Naajeeriya.”
Alhaji Siddiki mani tiinaaje ngomnaajo Jihawol Anambra , Professor Chukwuma Charles Soludo dow kolaarani janngirde Bacci Meere haa Jihakan.
Nden O tefri ngomnaajo on wada fodde bawde muudum ngam jam tabita haa Jihakan.
Non kadima ardiibe MACBAN haa ton fuu wi do nana beldum hooreejo Police’en Aderemi Adeoye haa giifakan bee huuwuki ko haandi.
Haa ragare O tifri Fulbe enanta luttube ummaatoore fu kawtal kopi haa Jihakan ngam jahargal yeeso hebe hakkunde mabbe.
SADIQ ALFA
