Ardiido Lesdi Naajeeriya, Bola Ahmed Tinubu anndini besdanki golloobe Ceede ko hewtani ujineeje 25 nder ceede Albaasi mabbe jee Lebbi 6 ngam ustanki huuwoobe billaaji dooko.
Ardiido on suuditi haalakan nder jawaabu maako dum O wadani ummaaatoore Lesdi Naajeeriya nde wadanno seyo lamar hewtuki duubi 63 haa Lesdi ndin.
Tinubu wi besdaari ceede den wadaama on bawti bolindiral maako bee Ardiibe kawte nananta NLC bee TUC ‘e luttube ardiibe Naajeeriya.
Kadima O wi niiman wadaama on ngam ustinki golloobe yanngada naangam ustiabe besdaari naawuki Are haa luumo on.
Kadima O wi wakkati wadi nde ummaatoore Lesdi Naajeeriya fuu tammi nanuki beldum Lesdi ndi’I naa see sedde nder mabbe tan.
Ko nden on O wi dow ko laarani Jihaaji bo be hebi Ceede ko be waddanta ummaatoore mabbe kuude jahargal yeeso haa bakkeeje den.
Non O wii nder Ceede den ko hokkaabe ngam be walla talaka’en be ustanabe yanngada ngeendam bee naawuki nyaamannde nder Lesdi Naajeeriya.
SADIQ ALFA
