Ngomnati Lesdi Naajeeriya wi badiima mbaran mallabo wirgan kuude Laabi di hokkaamano huuwaaka ko hewtani Duubi sappo ngam soynde Ceede ko huwete kuude den hewtani trilionji N6 Nairaaje Ceede Lesdi Naajeeriya.
Ogomnati wi kuude den fu wala haa haala Ceede kuude den fedi nden bo kuude on ko hokkaama no iga ngomnati jawtudum.
Ministaajo mo hakkilanta shaanu golle, David Umahi, kanyum on suuditika wakkati O haari yami kubaru’e bawti giidal maako bee Bola Tinubu haa Abuja laamorde Lesdi Naajeeriya.
O wi ngomnati hawtan koppi bee wakiili’en majaliisaabe sanne ngam wadduki ragare Laabi nyiddudi nder Lesdi Naajeeriya.
Umahi sudditi sirru bee wiiki ardungal mabbe haa hukuumawa ngan roni kuude baruye ko hookkamano huuwe hewtani Laabi 2,604 ko majjinte Ceede bana N14trillionji dow ko laarani Kilomiitaaje 18000.
O wi warki maako Ofisru ndun O yobi N4trillionji lutti N10trillionji.
O wi “mi anndini Ardiido Lesdi Naajeeriya haalakn ngam yerduye mi faddan kuude den godde de wala ha fedi O yerdi nden O dali goddum O besdaniyam Goddum kuude den de Laabi ko huuwete nde Lesdi Naajeeriya.
SADIQ ALFA
