Lesdi Naajeeriya wadi kabbidal narral bee Lesdi Cuba dow ko laarani annde kiimiyaaku enanta ekitinki sanaa’aaji hakkunde mabbe.
Kabbidal ngal wadaama on nyennde asawe haa moobre G77+China haa jipporde hobbe nde Hotel Palco La Habana.
Ministaajo mo hakkilanta shaanu annde kiimiyaaku, Uche Nnaji kanyum on wadi kabbidal ngal ko nden on O mani Ardiido Lesdi Naajeeriya Bola Tinubu bee taskaramji maako di kuude jahargal yeeso.
O ummaatoore Lesdi Naajeeriya tammi botiraaki bee kabbidal narral ngal ngam woodi taskaramji kuude nafooje sanne haa nder man.
Wakkati mallobo nyennde Jumbaare nde ballo Ardiido Lesdi Naajeeriya Kashim Shettima wadanno jawaabu maako haa yeeso ardiibe Lesde duuniyaaru moobiibe haa giidal ngal kanyumma wi ummaatoore Lesdi Naajeeriya botiran bee giidal ngal sanne musamman hedi laabi demri,annde kiimiyaaku,sanaa’aaji’eko nanndi ‘enon.
Tawaabe haa giidal ngal woni seketeriijo mawdo mo hukuuma shaanu yaasi Lesdiiku, Amb. Adamu Lamuwa, enanta chiimaajo mo Lesdi Naajeeriya haa Cuba, Amb. Ben Okoyen wobbe nder teddube ngomnati.
SADIQ ALFA
