Ministaajo mo hakkilanta shaanu maatootiral ‘e waytinki ko’e ummaatoore, Mohammed Idris, nodditir ummaatoore Lesdi Naajeeriya lartira mardi ALLAH hokki lesdi ndin dum risku on sanne ngam non on wadi Ardiido Tinubu yidi naftora bee man haro hewtinki yidannde maako nder taskaramji maako 8 di O yidi O huuwa ngam wadduki jahargal yeeso ‘e hurguki gannudi Lesdi Naajeeriya.
Ministaajo on wolwi haalakan wakkati O yaarana ardiibe Lesdi Naajeeriya ‘en 2 bana, General Ibrahim Badamasi Babangida, enanta General Abdulsalami Abubakar ngilla haa Jihawol Niger.
Lesdi Naajeeriya do mari Le’I feere feere ko hewtani 250 gootel ko burdiri Lesde Duuniyaarufu.
General Abdulsalami Abubakar, tefri ummaatoore Lesdi Naajeeriya besda munyal hawta koppi bee ardungal Ardiido Tinubu ngam yidi omta barkaaji mallabo laabi riskuuji Lesdi ndin mari ngam ummaatoore nana beldum.
Ministaajo on yahi Jihakan musamman ngam liyaafa ngomnaajo Jihakan taskani hebiibe mukaamu siyaasa haa jihakan.
Haa ton Kadima minstaajo on tefri ngomnati Jihakan hawta koppi bee ngamnati moobgal Lesdi ngam jahargal yeeso hebe haa Jihakan.
Ngomnaajo Jihakan, Mohammed Umar Bago, wadani be barka be fun den tefribe wadanki Jihakan ko haandi.
SADIQ ALFA
