Ballo Ardiido Lesdi Naajeeriya, Kashim Shettima, wi toni haa yidi feesinki Ci’e hakkunde ummaatoore seeto majjini Ceede ko hewtani trillionji N21 ceede Lesdi Naajeeriya.
Ballo Ardiido on suuditi haalakan haa Galluure Sokoto wayla walaadu Hirna Lesdi Naajeeriya nde O yaano omtuki kuude nyibaali Ci’e ko hewtani 500 ko ngomnati Jihakan yidi nyiba.
VP Shettima mani tiinaaje ngomnaajo on, Ahmed Aliyu bee taskaramji maako ngam hurguki gannude Ci’e ummaatoore yiidata haa Jihakan.
Nder bolide VP wiido, “Lesdi Naajeeriya do mari haaje Ci’e ko hewtani Milionji 28 nden Ceede ko huuwata kuungal hewtani trillionji N21.
“jabrude den de ngomnaajo on hoosi boddum sanne haandi luttube ngomna’en yembita mon gam walla ummaatoore mabbe.
“ngomnaajo on fuddi bee timmitinki kuude baruye enantan nyirgal dum O tawi tanamaako boymaajo timminay.,”
Ngomnaajo on Aliyu wi Ci’e den do nyibe on ngam hokka golloobe be yoba bee hakkiilo dooko be timmina golle ngomnati.
Ci’e den do nyibe on haa Galluure wamako nden Ceede majjinte haa kuude den hewtanan N7.3 billionji Ceede Lesdi Naajeeriya dooko Timma.
Lamarkan wadaama on ngam hewtinki nyalde 100 ko O maggiri korowal Laamu Jihakan.
Lamarkan tawaama bee Gidde Gite ngomnaajo ihakan boymaajo, Sen. Aliyu Wamakko; ministaajo shaanu ndemri, Abubakar Kyari;ministaajo shaanu ndiyam mo Jiha, Bello Goronyo enanta ballo ngomnaajo Jihakan boymaajo, Mukhtari Shagari, enanta luttube.
SADIQ ALFA
