Ardiido Lesdi Naajeeriya Bola Tinubu nodditiri jam’iyawa APC hawta koppi sebidina jam’iyawa ngan ngam tabitinki dow kanga on dow laamu ngomnati Lesdi Naajeeriya.
O tefri be APC besda lornuki hakkiilo mabbe sanne dow ko laarani no majjinirte Ceede ngam yiiki no Rewbe ‘e sukaabe nastirta nder jam’iyawa ngan nde weeti fu.
Ardiido on suuditi haalakan wakkati giidal maako bee kastaabe APC haa hodorde maako nde Abuja.
Ardiido on wi jahargal yeeso APC do haa juude sukaabe enanta Rewbe haa yeeso musamman wakkati cubi.
“haani ‘en hakkilana haala ceede sanne haa jam’iyawa meeden do mido tuuma mo (NWC) hokki mukaamu hakkilanki shaanu ceede haa APC lorni hakkiilo sanne.
“APC yidi soobiraagu,hooranki hakkiilo, Sukaabe ,Rewbe ngam besdinki jam’iyawa ngan sembe.,” Tinubu wi.
Wakkati Ardiido on meti haalakan tawaama bee Gidde Gite ballo maako, Senator Kashim Shettima, hoore’en APC boyma’en, Chief Bisi Akande, Chief John Oyegun, hawtaade bee ngomna’e Hesbe enanta Hidbe fu bee wakiili’en majaliisaabe Kadima O wiibe haandi be hoora hakkiilo sanne be firlita gawargal yaadu mabbe ngam ummaatoore Lesdi Naajeeriya biddaama masin.
Hoorreejo APC jogiido hiddeeko, Abubakar Kyari mani tiinaaje Ardiido Tinubu bee jabrude kanndude ko’O hoosi do.
Hooreejo on tefi be hebbitina nokkuuje golloobe lutti nder jam’iyawa ngan.
SADIQ ALFA
