Kawtal golloobe nga NLC wi darni waduki tikkere golle nder Lesdi Naajeeriya.
Tumbaljo ardiido Lesdi Naajeeriya, Dele Alake kanyum on suuditika Jemmaare Alarba
Alake besdika bee wiiki be darni haalakan bawti giidal mabbe bee Ardiido Lesdi Naajeeriya Bola Tinubu nde O eptani be alkawal yidannde mabbe fu hewtan bananta bernde yidi.
Giidal ngal wadaama haa hodorde ngomnati nde ardiido Lesdi Naajeeriya haa Abuja.
Tinubu epti alkawal dow be fintinan nokkuure tafol nyebbam peeturuljam haa Port-Harcourt nder Jihawol Rivers nden fuddan kuude nder Lewru December jam.
“Tinubu tabitini haalakan bee wiiki gollirde nden fuddan kuude December 2023 toni haa kuude den timmi hakkunde NNPCL enanta kampaniwa Italian firm, Maire Tecnimont SpA.
Ardiibe ben bana mo NLC Joe Ajaero enanta mo TUC Festus Osifo, hawti yerdi wadi juude dow ko be narri nden be darni tikkere nden kadi.
SADIQ ALFA
