Wakiili’en majaliisaaru ndotti’en tiggi komitia musamman dow ko laarani baruye nde Lesdi Naajeeriya ngam be hoosa jabrude kanndude.
Wakiili’en ben tefri ngomnati kawtal Lesdi lorna hakkiilo sanne dow ko laarani campaniiji di be hokkata golle kuude den.
Kadima be ngomnati sawriinde huuda bee SUKUK enanta kampaniiji goddi feere 2 wakkati be hokkata golle nyibaali nder Lesdi Naajeeriya.
Kafuumaaka ka wolwaama on bawti be larti: “soynde laabi ‘e ilaadi boddi nder Lesdi Naajeeriya”, ko ballo wakiiliijo majaliisaaru ndu, Jibrin Barau sappi nyennde Alarba nden be fuu be yerdi.
Nder jawaabu maako O wi Laabidin goddi hokkaama kuude den jee wo’itinki naa kesum nden mo be hokki kuude den bo sakkini ka timminay.
Senator Isah Jibrin (APC Kogi Fuunaangeere), wi himbe duudbe nder Lesdi ndi’I sooyi yonki mabbe haa hasaru nba’ante ngam soynde Laabi boddi nder Lesdi Naajeeriya.
O wi laati doole ngomnati hoosa jabrude kanndude haro rentuki yonki ummaatoore enanta jawle mabbe.
SADIQ ALFA
