Comitiwa hakkilanta shaanu tencol Ardiibe rento haa Wakiili’en majaliisaabe wi timmini tencuki inde Himbe be Ardiido Lesdi Naajeeriya yerbani be.
Tencaabe ben woni hooreejo faddo Sooja’en Maj. Gen. Christopher Musa, hooreejo Sooja’en Lesdi Maj. Gen. Abiodun Lagbaja,hooreejo Sooja’en ndiyam Rear Admiral Emmanuel Ogalla, enanta hooreejo Sooja’en Piirooje Asama, Vice Marshal Hassan Abubakar.
Wakkati hooreejo commitiwa ngan, Hon Julius Ihonvbare, wadananno tencaabe ben jawaabu O wiibe be anndafa be huwaanan ummaatoore Lesdi Naajeeriya bee bernde gootel ngam rentuki be enanta jawle mabbe.
Kadima O mani tiinaaje Ardiido Lesdi Naajeeriya bee be O subti do ngam yiiki boddi haadereeji mabbe.
Kadima Hon Babajimi Benson wi tencuki bananiido laati doole ngam kanjum on ko diidaadi Lesdi Naajeeriya sappi.
Ardiibe ben be shaanu rento tencaabe ben fuu epti alkawal sukkuki burde kuude nyiddu fu enanta rentuki ummaatoore ‘e jawle mabbe nder Lesdi Naajeeriya no foti.
SADIQ ALFA
