Wakiili’en ngomnati Lesdi Naajeeriya bee kawtal hakkilanta shaanu golloobe NLC lorti giidal mabbe haa hodorde ngomnati Abuja Laamorde Lesdi Naajeeriya ngam be Larta nobe hurgirta gannudi ummaatoore yiidata bawti ittuki mballa nyebbam peeturuljam.
Bawti ragare giidal ngal, kubaru’en hirdi bee mo sawrata ardiido Lesdi Naajeeriya Dele Alake wiido fakat komitiiji iggaama musamman ngam be larta nobe wallititta ummaatoore Lesdi Naajeeriya.
O wi: “min eptino alkawal min wadanno giidal hannde kanjum on min wadi nden bo min larti gidaadi NLC min hoosi ko min wadta bee jawdum nden luttudum bo see yeeso.”
Dele Alake wi commitiiji feerefeere tigaama hakkunde NLC bee ngommnati be gollida sanne ngam wannginki laabka ‘e no kawaarete bee jawdum.
Hooreejo kawtal golloobe NLC, Joseph Ajero enanta mo TUC, Festus Osifo wi fakat be wadi giidal nden be tiggi komitiiji din be gollidan ngam be wanngina laabka nder Asaweeje 8 garooji to jam.
SADIQ ALFA
