Ardiido Lesdi Naajeeriya Bola Ahmed Tinubu tefri Lesdi America US besda kawtal koppi bee Lesdi Naajeeriya sanne hedi ko laarani kubbirle Yiite Lamtarki.
Ardiido on wadi tefre nde nyannde Altine bawti giidal bee ballo seketeriijo US mo hakkilanta shaanu yiite, Ambassador Geoffrey Praytt, haa Abuja Laamorde Lesdi Naajeeriya.
Tinubu anndini be dow toni ha be wallan haro sembidinki kilantaaji riskuuji Lesdi Naajeeriya kambe bo bedo mari nyebbam peturuljam.
Kadima Tinubu tefri Lesdi America enanta luttude hebiide jahargal yeeso fu annda Lesdi Naajeeriya enanta Luttude Lesde Africa do yiida ‘e gannudiiji goddi nden do taskani hokka ko mari ngam heba ko yidi.
Nder jawaabu Ciimaajo on Praytt wi O faami ko Tinubu habdata ngam hurga gannudi ummaatoore Lesdi Naajeeriya on ko laarani ittuki mballa nyebbam Peturuljam.
Kadima O wi O wari do Lesdi Naajeeriya musamman ngam O anndina Ardiido Lesdi Naajeeriya dow Ardiido Lesdi America wi hokki baawal baawo bee Jabrude de O hoosi do ngam sembidinki kilantaaji riskuuji Lesdi Naajeeriya ‘e weltinki ngurndam mabbe.
SADIQ ALFA
