Faada laamu ardungal Lesdi Naajeeriya wi yerdi bee hokkuki Ceede ko hewtani $53.1 millionji Dalaaje ceede Lesdi America musamman ngam feesinki kubbirle yiite Lamtarkiye nder Lesdi Naajeeriya,
Ministaajo mo hakkilanta shaanu yiite ngen, Abubakar Aliyu, kanyum on suudit haalakan bawti giidal mabbe bee Ardiido Muhammadu Buhari.
Ministaajo on besdika bee wiiki toni haa are den hebaama fakt yiite ngen sembidinte nder lesdi ndi’i.
Aliyu besdika bee wiiki dow Ceede den hewtani N2.1 billionji nayraaje Ceede Lesdi Naajeeriya.
Kadima, Aliyu limit nokkuuje de tammi botirki bee Are jamde den ko soodete bana, ko hewtani dayeenga kilomiitaaje 173-hakkunde Kubotso- Hadeja,; 105-kilomiitaaje Kumbotso-Kankiya; 90-kilomiitaaje Benin-Irrua ; 72-kilomiitaaje Irrua-Okpella; 48kilomiitaaje Okpella-Okenne, 58-kilomiitaaje Okenna-Ajaokuta enanta 394-kilomiitaaje Gombe-Biu-Damboa-Maiduguri.
Haa ragare haalakan ministaajo on lamsika bee anndinki dow be yerdi bee hokkol Ceede ko hewtani N1.46 billionji ngam feesinol jamde kubbirle anndira transformer ko hewtani 20 enanta ko wallata jamde den nder Lesdi Naajeeriya.
SADIQ ALFA
