Ardiido Lesdi Naajeeriya Muhammadu Buhari nodditiri wakiili’en kawte AU hoosa jabrude kanndude ko waddata jahargal yeeso haa bakkeeje mabbe.
Buhari suuditi haalakan wakkati be wadanno giidal didabre ngam lartuki rahootooji ko saali (CRR) bee taskaramji kuude jahargal yeeso haa Naajeeriya.
Kadi O sappi’e wiiki O nani beldum sanne ngam bee dabareeji ‘e taskaramji kawtal ngal be hesditini kuude shaanu Cubi, taskaramji Ceede daliibe golle,enanta Ceede jomorgol.
Niiman haa yotti kawte mani tiinaaje no kuude den dogginirte haa Lesdi Naajeeriya.
Ardiido on wi ‘‘nder anniyaaji taskaramji mabbe ni haa giidal ngal woni sembidinki kilantaaji riskuuji ,shaanu Cubi,’e Ardungal kimminiidum hawtaade bee dogginirki kuude ngomnati nohaandi ngam ta Lesdi Naajeeriya Sakita.’’
Ardiido Buhari tefri ummaatoore baawal baawo ngam kuude jahargal yeeso yahe no haandi bananta taskaram kawte AU sappi APRM.
Hooreejo mo hakkilani taskaramka , AUDA-NEPAD/APRM Nigeria, Princess Gloria Akobundu, wi waduki giidal bana ni’I wallan sanne haro kuude elto enanta ko besdanta be basiiraaji ‘e no dogginirta kuude ngomnati bee jahargal yeeso bakkeeje no haandi.
SADIQ ALFA
