Ardiido Lesdi Naajeeriya Muhammadu Buhari yottini kofli foofo muudum yaaki Lenyol Adefarasin dowko laarani sooyuki yonki, Mrs Hilda Adefarasin, mardo duubi 98.
Ardiido on numtiri dobboojo on bee boddi maako wakkati odo geeto, Buhari wi O walli ummaatoore hedi golle maako jee nyawndiigu haa nyawndorde enanta hedi fannuuje feere feere.
Kadima Buhari wi faami debboojo on darani hakke innu Adama musamman Rewbe wakkati O laatino ardiido haa hukuumawa hakkilanta shaanu Rewbe nga (NCWS), ko besdani rewbe daraja sanne jotta haa Lesdi Naajeeriya.
Haaraga Ardiido on tefri biddo debbo on Pastor Paul Adefarasin, joga mallabo ta sakkina boddi di daydo mo wadanta ummaatoore.
SADIQ ALFA
