Prime Ministaajo Lesdi ethopia Abiy Ahmed yaarani ardiido Lesdi Sudan, Lt-Gen Abdel Fattah al-Burhan.
Mr. Abiy jabbama bawti O jippi haa Galluure Khartoum Laamorde Lesdi Suudan no haandi.
Rahootooji sappi bee wiiki Ardiibe ben yewtan duudka ko waddata jahargal yeeso hakkunde Lesde den 2.
Sooja’en Lesdi Sudan kawtal muumini’en neebi do wada giidal ngam wadda ragare fitnaaji dow ko laarani siyaasa ko hebi bosesel iga jabtuki laamu dum Sooja’en wadi nder Lewru October 2021.
Narral hakkunde Lesdi Sudan bee Ethhpia besdi saatugo sanne iga Duubi jawtudi ngam sanadu ndemri .
SADIQ ALFA
