Ministaajo mo hakkilanta shaanu golle, Chris Ngige wi be waddan ragare soynde ko huuwe haa Lesdi Naajeeriya.
Ministaajo on wolwi haalakan haa yeeso kubaruujo kawtal golloobe (LACAN) haa Abuja bee wiiki tippungledo ngomnati kawtal Lesdi omtan taskaramji ko feesinta golle nder Lesdi Naajeeriya.
Ngige hokki misaalu bee Lesdi America ‘e wiiki gollirde shaanu golle haatom hoosi jabrude kanndude dum Lesdi Naajeeriya yembiti ngam feesinol golle.
Ko nden O sappi’e wiiki taskaramji mabbe fuddan huuweeki nder lebbi 2 garooji to jam nden bo hukuumawa hakkilanta shaanu golle ‘e huuwoobe on roondi teddeenga taskaramka.
Ngige besdika bee wiiki hukuumawa ngan hebi kaqwtal koppi bee hukuumaaji Lesde yaasi ngan taskaramka sembidine hawtaade bee wiiki doo on laati arana ko Lesdi America taskani walluki Rewbe enanta Bacci haa Lesdi Naajeeriya bee Lesdi Liberia.
Kadima minstaajo on tefri ardiibe taskaramji joga haalan no haandi.
Seketeriijo tabitiido mo hukuumawa ngan, Ms Kachollom Daju, wi hukuumawa ngan hoosi jabrude kanndude dow ko laarani eltuki sukaabe mallabo golloobe mabbe no haandi ngam hewtinki yidannde mabbe.
Kadima, hooreejo LACAN, Mr Joseph Agi-Ajochi mani tiinaaje ministaajo on bee kuude bode iga ko O maggi korowal ngal.
SADIQ ALFA
