Sooja’en Piirooje Asama, NAF sankiti sangeere turtube Boko Haram ko waddi ragare ardiibe turtube 2 enanta wobbe nder mabbe ko hewtani 40 haa Kurebe nder galluure Shiroro nder Jihawol Niger.
Tumbaljo Sooja’en ben, Air Commodore Wap Maigida, kanyum on tabitini halakan bee wiiki fakat sooja’en ben besdan yaaruki kippe dow be kawtal Boko haram.
Nder jawaabu ko sooja’en ben, wi Ardiibe ben woni; Abu Ubaida enanta Yusuf Abba sooyi yonki mabbe wakkati be yaranibe kippe bee Piirooje Asama.
“to on woytoy 22 Lewru December 2022, ndenno piirawal konu dum NAF meedino hippuki turtube ben haa nokkuure Kurebe nder Galluure Shiroro.
“ko ndenma turtube duudbe sooyi yonki mabbe wakkatiire nden.
“Kadima be wi be nanngi turtube wobbe bee nba’ante Masinji ko duuda do roondi ngooba Jamanu ngam be naftora bee man haro waduki Bomji mallabo ko fettata nawna ummaatoore. (IEDs).
Hooreejo Sooja’en ben haagiifakan wi, bee umroore ‘e tokkol ko ardiido mabbe, Chief of the Air Staff, Air Marshal Oladayo Amao, sappi be wadan fodde bawde mabbe ngam yiiki be hewtini yidannde ummaatoore.
SADIQ ALFA
