Kubaru’en Rewbe haa Lesde Africa feere feere ko hewtani 12 wadi giidal haa Dar ES Salam dow ko laarani besdaari fitnaaji wadante kubaru’en Rewbe nder Lesde Duuniyaaru fun gam jabrude hoose haro faddaaki be.
Rewbe ben ko hewtani 21 wolwoobe Demngal nasaraare haa Lesde Africa kambe on hawti haa Tanzani ngam waduki giidal 3 ko do wade nder Duubi 6 ngam walla shaanu ko laarani kubaru’en Rewbe.
Rewbe ben kambe on eltaabe haa juude kawtal Norwegian Union of Journalists nder hitaande 2017 elto musamman ngam rentuki kubaru’en Rewbe.
Giidal ngal jotta do wade haa Dar es Salaam, laamorde Lesdi Tanzania haa ton on Professor Kristin Orgeret mo univastiwa Oslomet nder Norwaytawaado haa ton yecci rewbe ben dow gebe “73% nder 100 fuu yiida bee fitnaaji hedi daldal maatootiral nden gebe 20% nder 100 bo do yiida bee fitinaaji Gete bee Gite.”
Niiman do meema kuude mabbe sanne nder Lesde Africa.
Nder jabbiibe hobbe woodi, Ms. Eva Stabell kataado nder kawte golloobe kubaru’en Lesdi Norwey.
Mani tiinaaje Rewbe ben dow golle mabbe nden besdi tefre Rewbe besda munyal dow kuude kubaruuku ngam be duuda taa be usta haa kuugal ngal.
Nder aagal yalirbe ton iga Lesdi Naajeeriya woodi, Rafat Salami mo Voice of Najeria enanta Veronica Ogbole , kambe ma be wi “ngomnati Lesdi Naajeeriya wadi elto ko nanndi’enon haa Jihaaji feere feere ko hewtani 21 dum kubaru’en 620 botiri bee maaka iga ko taskaramka fodda nder 2017.”
Kawtal kubaru’en Rewbe haa Lesdi Norwey fuddi eltuki kubaru’en ben iga The Norwegian Union 2017.
SADIQ ALFA
