Hukuumaaji haa Lesdi Ethiopia wi jabti nokkuuje ko hewtani 3 haa Lardiwol Tigray, wakkati kabe mabbe bee turtube ko fudda iga Lewru August.
Nder jawaabu hukuuma hakkilanta shaanu shaakol kubaruuji anndini wiiki nokkuuje haa bakkeeje den wayla walaadu Hirna bana Shire, Alamata, Korem fuujabamo no iga juude Tigrayan.
Nder jawwbu maako O sappi wiiki Sooja’en Ethiopia hoosi jabrude kanndude haro yiiki be renti ummaatoore ngam ta be nawne haa kabe den.
Lesdi Habasha do yiida ‘e gannudi kabe ko neeba haa wadi be be fuddan joonde giidal ngam bolindiral narral ko tammi fuddeeki tippungeldo haa Lesdi Africa Fombinaari.
Seketeriijo majaliisa moobgal Lesde Duuniyaaru UN Antonio Guterres wi fitnaaji din haa waylaari lesdi habasha yidi bura sembe amma kawte lesde afrika do jinni darnde ngam jam hebe haa bakkeeje den.
Kabe hakkunde turtube Tigray enanta be ngomnat fuddaama on iga August, amma taskaramji do wade ngam jam hebe iga Lewru March.
Himbe ko hewtanta milionji haa waylaari Lesdi Habasha hawtaade bee be kiddiraandi bana Amhara enanta Afar fu iggiti nokkuuje mabbe nden ko hewtani ujineeje 10 bo sooyi yonki mabbe haa fitnaaji kabe ko fudda iga Lewru November 2020.
SADIQ ALFA
