Ceede ko hewtani N43 bilionji hokkaama ngan huuwuki kuude baruye nder Jihaaji 4 ha wayla walaadu Fuuna Naajeeriya.
Faada laamu Ardungal Lesdi Naajeeriya yerdi bee wurtinki ceede ko hewtanta N43 billionji ngom huuwuki kuude baruye haa wayla walaadu Fuuna Lesdi Naajeeriya.
Ministaajo mo hakkilanta shaanu hasaruuji e jahargal yeeso innu Aadama, Sadiya Farouk, kanyum on suuditi haalakan bawti giidal mabbe bee Ardiido Buhari haa Abuja.
Farouk wi botiroobe bee kuude den woni Jiha, Adamawa, Bauchi, Borno, Gombe enanta Yobe.
O wi “be majjinan haa Jiha Borno, ko hwtani N13,553,902,668.95 dow kuude ko hewtani kilomiitaaji 22.5. hakkunde Ngon-Koshode, Ngon-Dosmari-Zabamari-Kongologo-Kajari.
Nden Jihawol Gombe bo ceede ko hewtanta N12,199,182,845.70. Dow ko laarani kuude barawal ko hewti kilomiitaaji 53 hakkunde Gombe-Abba yaaki Kirffi
Kadi Gombe enanta Bauchi hawtan haa kuude buwaangal dow Ceede ko hewtani N11,697,355,449.61.
Non Kadima Ceede ko hewtani N12,199,182,845.70 majjinte haa kuude ko hewtani kilomiitaaji 54 haa Mutai – Gudal nder Jihawol Yobe.
Nden haa Jihawol Adamawa bo Ceede majjinte ko hewtani N6, 202,214,413.29 dow ko laarani kuude Buwaangal Garkida ko badootiri bee nokkuure Sambisa.”
Ministaajo on Lamsi haalakan bee wiiki baruye den subtaama on bee anndaangal ngomnati Jihaaji enanta Ardiibe nakkeeje den.
SADIQ ALFA.
