Ardiido Lesdi Naajeeriya Muhammadu Buhari tefri be kawte mallum’en janngirde mawde de univastiiji ASUU wadda ragare tiggire golle mabbe.
Buhari suuditi haalakan wakka ngomna’en enanta wakiili’en majaliisaabe hawtaade bee ardiibe wobbe be jam’iyaw APC yaaraniibe mo ngilla ka kofli Julde haa galluure Daura nder Jihawol Kastina nyenne Altine.
Kadima Ardiido Buhari wi fakat O faami jahargal yeeso Lesdi do do yaada bee janngirde on bee non on wadi O besdi tabitinki tippungel do fukaraabe hootan cuudi janngirde
O wi“ dutuume ni kawtal ASUU do nana jurumdum ummaatoore bee fukaraabe ngam neebuki tikkere mabbe.
Goonga kan haandi niido he’I nonnan jo’inki fukaraabe haa Ci’e mabbe,”
Ardiido on wi Ceede majjinte sanne haro kuudenyibuki Lesdi enanta haala janngirde nder lesdi Naajeeriya.
Nder wakkati luttini am do miwadan fodde bawde am ngam yiiki gidaadi fu huuwaama.
Buhari tefri be APC fu wada fodde bawde mabbe ngam weltinki ummaatoore Lesdi Naajeeria.
Nder jawaabu hooreejo ngomna’en be Jam’iya APC, Abubakar Atiku Bagudu, usi yeti Ardiido on bee no O jogitiri ardungal maako ‘e fintnki kilantaaji riskuuji.
Ngomna ‘en APC yaalirbe haaton hawti bee, Rt Hon. Aminu Bello Masari, Malam Nasir el-Rufai, Hope Uzodinma, Abdullahi Sule, Abubakar Sani Bello, Abdullahi Umar Ganduje, Dr Fayemi Kayode, Simon Lalong, Abubakar Atiku Bagudu.
SADIQ ALFA
