Ardiido kawte walde rentoobe be wayla walaadu fuuna Lesdi Naajeeriya andira (JTF) (NE) Operation HADIN KAI (OPHKzzwZzz2z2w), Major General Christopher Musa wadani golloobe maako famarbe liyaafa julde Layhaaji hikka.
Seyo lamar ngal wadaama on haa walde sooja’en nde Maimalari Military Cantonment, haa galluure Maiduguri nder Jihawol Borno.
Nder jawaabu hooreejo sooja’en ben (COAS), Lieutenant General Faruk Yahaya mo hooreejo dabareeji’e taskaramji luutani Major General Anthony Omozoje, O tefriido sooja’en ben besda jokguki kuude mabbe no haandi.
Non Kadima hooreejo sooja’en Asama (CAS), Air Marshal Isiaka Amao, mo (NAF), Air Vice Marshal Charles Owho lutani kanyum bo mani tiinaaje sooja’en ben bee wiiki be be ga kuude mabbe bee juude 2.
Haaragare Ardiibeben fu mani tiinaaje Ardiido Lesdi Naajeeriya kawte walliinde fud ow ko laarani no be habdirta ngam yiiki kuude saata gidku’en timmi haa wayla walaadu fuuna Lesdi Naajeeriya.
Nden be lamsika bee wadanki julbe fuu barka bee juuluki julde layhaaji nder jam ‘e de’eende.
SADIQ ALFA
