Ardiido Lesdi Naajeeriya, Muhammadu Buhari tefri kawte Lesde Africa wada fodde bawde haro yiiki walli hijirbe enanta rellube ci’e mabbe nder Lesde Africa. (IDP)
Buhari suuditi haalakan haa moobturde kawte Lesde Africa nde 16th wakkati Ardiibe Lesde Africa fu moobino haaton Malabo Lesdi Equatorial Guinea.
Ardiido Buhari himbe ko buranta millionji 5 on relli nokkuuje mabbe haa bakkeeje mbeela Lesdi Chadi burna mabbe bod um himbe Lesdi Naajeeriya.
Muhammadu Buhari win gam sanadu fitnaaji ko ukkanta ummaatoore wadi min tiggi hukuuma musamman ko hakkilanta neddaaku innuaadama enanta fe’aanooji ha Lesdi Naajeeriya.
O wi “hukuumaw ngan hoosi teddeenga taskaram nyamnuki bacci haa njangirde ngam tabi tinki bacci hebi nyamndu ko nafata be haa balli mabbe.
“Kadima hukumawa ngan omti nokkuuje musamman ngam rellube nokkuuje mabbe nder Jihaaji fu bawti nden bo do hakkilani be dow ko laarani njamu, bornungal,enanta nyamndu mabbe ‘e ko nanndi ‘e non.
Hooreejo kawtal ngal nden latudo Ardiido Lesdi Senegal, Macky Sall, tefi Ceede ko hewtani milioji ($3m) Dalaaje cede Lesdi America nden O tefri Ardiibe Ben bo waddaa ko ALLAH wawnibe fun ngam tigguki hukuuwa wallata innu Adama.
Hooreejo on AU wi laati doole tigga hukumawa ngan musamman ngam yiiki no yanayuuji sella waylititta be no mashiibooji fe’aanooji woni nder Lesde Africa.
Kadima haaragare Hooreejo wernu moobtorde nden, Teodoro Obiang Nguema Mbasogo, tefi $4 million, milioji 2 jee tiggaago hukuumawa ngan nden milioji 2 bo hokka Lesdi Mozambique.
SADIQ ALFA
