Bawti Giidal Ardiibe hukuuma hakkilanta kilantaaji riskuuji Lesde Afrika Hirnaangeeje nga ECOWAS Sali yerduki be gidaadi ko ardiibe Sooja’en Lesdi Mali sappi dow ko laarani hokkitol Laamu Lesdi ndin bana ko dawrano.
Ardiibe kawtal ngal wadiibe giidal ha galluure Accra laamorde Lesdi Ghana wadani Ardungal lesdi ndin hombere ko hawti bee ittuki wakiili’en ECOWAS enanta mabbuki keeri mardi ECOWAS haa Lesdi Mali.
Ardiibe ECOWAS wadi hombere nden dowko laarani laabi hebol cede nastooje nder Lesdi ndin amma dali ko nanndi bana shaanu nyaamannde , nyaudiigu ‘e kubbirle yiite lamtarkiye hawtaade be baatwe mallabo lekki nyau COVID -19.
(Ardiibe giidal ngal haa ragare be tefri ardule bana de ngomnati enanta ardule cembidde hoosa jabrude kanndude ko wallata hombere nden kuude ko yaawi nder Lesdi ndin.
Kadima be wi wala ko ittata hombere nden sheto be yerdi nden be taskani waduki cubi haa giifakan,)
Sedde nnder Ardiibe yaalirbe haa nokkuure giidal ngal woodi, Ardiido Lesdi Naajeeriya boymaajo Goodluck Jonathan, Ardiido ECOWAS, Mr Jean Claude Kassi Brou enanta wobbe teddube.
Sadiq Alfa
