Horeejo kampaniiwa nyebbam petroljam daam NNPCL ha leddi Najeeriya kesso , Engineer Bayo Bashir Ojulari, jabbi labangal kude kampaniiru ndun daga ha horeejo boimaajo mo itta nder balde de , Mele Kolo Kyari. Ngam fa’uuki yesso be dogginki kude fiiji nyebbam leddindi bana no mara haaje.
Ha wakkati lamar hokkitaaki kude kampaniiru ndun faago lamminaado kesso duum doggina ha fada lamorde kampasniiwa ngan ha Abuja nyande jumbaare do lamminaado kesso jabi kude nden bo o efti alkawal huwuugo kude nanade daga ha bandiraawo makko dari.
Mele Kyari manni Adungal NNPCL be bososel hokkimo o doggini kude makko nder duubi ko o huwi nden o yelani jabiido ha makko hairu nasaraaku ema jahol yesso kimminiingol ha kampaniiru ndun.
A BELLO
