Hukuuama majalissa mobgal lesdde duniyaaru daga office ru seketereejo maudo mo hukuuma kan holli wannere mum be wurtaago leddi Niger daga kautaal kuppi soja’en habdoobe ngam wadda jonde jam ha nder lesde nahiya Africa andiraabe be Multinational Joint Task Force, MNJTF je hauriino lesde bana , gonde ha duuw wendu Chadi watau Lake Chad region ha nder hirnankeeje lesde Africa kan.
Leonardo Santos Simão, mo latake horeejo hukuuma majalissa kan ha lesde gonde duuw hirnaage Africa be SAHEL (UNOWAS), nyande alamissa do wadi jonde famtotiral hakkunde rentoo be ngam darna kala fitinaaji soinde rento ha giifaaji lesde de fu jonde woore.
Nder balde ko sallino do on marbe juude ha lesde gonde duuw wendu Chadi wadiino gidal ha Maiduguri fada lamorde jiha Borno ngam ho’uki jabruude jonde jam hakkunde lesde den.
A BELLO
