Ballo Ardiido leddi Najeeriya Kashim Shettima tabitini iyaalu police’en ema soja’en be yonki mabbe halki ha kippool ngool be njaari ha Hukuuma pamara Shanga nder jiha Kebbi duuw ngomnati do andi be joode mabbe ndenbo hakkilinan iyaluuji din be anniya.
VP Shettima efti alkwaal kan on duuw darned Ardiido leddi, Bola Ahmed Tinubu,nyande salasa salunde do nde o yariino ngilla hofnool fofo ha jiha Kebbi.
O tabitini duuw Ardiido leddi hokki umroore widitikki sabaabu kippol ngool nden fahin efti alkwaal nanguugo kala mardo juude fu hautaade be hitaakiibe kita nauka, ha fahin o dabbitiri jami’en kuude rento duuw bedda tinaare honago kude kalluude ha gifakan ngam yiigo ummatoore joodi jam.
Tubaljo majalissa jiha kan, Alhaji Muhammad Usman Zuru, jabbi ballo Ardiido leddi nden manni mo be anniya ngilla kan ha fahin yeti ngomnati mobgaal leddi be holluugo faleere mum.
A BELLO
