Ngomnati mobgal leddi Najeeriya yilli himbe yiduube be hadaru riggande hite lamtarki ha Calabar fada lamorde jiha Cross River nyande asawe salunde nden sinkani nauniibe ha hadaru riggol hite gen.
Directaajo maudo mo hukkuma hakkilinowa bote hite lamtarki ha leddi,, Mr. Aliyu Tukur be luttube wakili’en hukuuma kan on hebi yilli jihakan ngam sinkina be be hadaru riggol hite lamtarki je riggi wobbe fere naunibe ha be mballinama ha nyaundorde maude de jihakan bawo nde hite gen riggibe.
Nde Directaajo on yillino nukkure ha hite gen riggi himbe ben , Mr. Tukur woldi be dudbe nder himbe yidbe be gidde gite mabbe no hadaru majum fei’iri, ha fahin o lori o yilli lamdo gifakan Efut , Muri Joseph Effiong Edem, mo holli wannere mum be hadaru je o tindini media sam feuuki ha nukkure nden daga ko o judi o wii o media yigo bannin kam.
A BELLO
