Ministaajo fiiji barkaaji leddi e jahol yesso risku leddi , Dr Dele Alake, wii leddi Najeeriya jaumiraawo barkidini leddindin be kujeeji bardi naafu fago ummatore musamman irteteejum ha nder leddi nden ko Najeeriya mari burden luttude lesde nder duniyaru.
Ministaajo on andini bannin mai on ha Doha fada laomrde leddi Qatar ha wakkati nde o hallidanno be filoobe nder duniyaaru nder moftorde nde Ardiido leddi Najeeriya Bola Ahmed Tinubu yaliri be minista’en mum ngam dabbitikki rufoobe jarfu ha Najeeriya..
Ministaajo on nooti umrore nde Ardiido leddi Najeeriya Tinubu umri mo duuw o hallida be filoobe be leddindin marri haaje wara rufa jarfu kanju on wadi, Dr. Alake famtini duuw leddi Najeeriya do marru nukkuje marde karkaaji leddi marduum nafu faago ngurdam ummatore ema wurtinki leddi nder billaji tammpere risku.
A BELLO
