Ardiido Lesdi Naajeeriya Lesdi Naajeeriya, Bola Ahmed Tinubu tabitini ngomnati Lesdi   Qatari dow Lesdi Naajeeriya do juabba rufayonta’en ndeyefu haa Lesdi ndi’n.

Tinubu suuditi haalakan haa hodorde ngomnati nde Doha laamorde Lesdi Qatar  ko ardiibe ben didi wadi kabbidal narral boosungu hakkunde mabbe ko waddata jahargal yeeso Lesde den didi nafooje.

Tumbaljo Ardiido, Ajuri Ngelale kanyum on suuditika bee wiiki firlitol gawargal ko wadete nder laamu ardiido Tinubu nafan ummaatoore Lesdi Naajeeriya sanne.

Non Kadima nder jawaabu lamdo Qatar, Sheikh Tamim bin Hamad Al Thani, kanyumma sappi ‘e wiiki be omtani Lesdi Naajeeriya laabi galaadi ALLAH nay fu ngam luumooku hakkunde mabbe ko waddata jahargal yeeso mabbe.

Ardiibe ben wadi  kabbidal narral hakkunde mabbe ko laarani bana shaanu Janngirde,ko estate soynde ko huuwe,shaanu luumooku,kuude barkaaji Lesdi,shaanu ndemri,enanta shaanu pijirle’Sukaabe bee luttudum.

Narral ngal wadaama bee Gite ministaajo shaanu yaasiiku, Ambassador Yusuf Tuggar, enanta kastaabe be ngomnati Lesdi Qatar, Buthaina bint Ali Al Jabr Al Nuaimi, ministaajo shaanu janngirde; Dr. Ahmad Hassen Al-Hammadi, hawtaade bee teddube be ngomnati Lesdi Naajeeriya.

Minista’en tawaabe haaton woni, Mr. Wale Edun; Dr. Dele Alake; Professor Muhammad Ali Pate;  Dr. Doris Uzoka-Anite; Mr. Ekperipe Ekpo.

Hawtaade bee  Mallam Nuhu Ribadu, Mrs. Olu Verheijen.

SADIQ  ALFA