Ardiido leddi Najeeriya, Bola Ahmed Tinubu, yotti wuro Doha fada lamorde leddi Qatar ngam o dabbita hauruki hore be leddindin hedi hebango Najeeriya rento nanago, ema sembidinki yaake lumooku be bantugo daraja risku leddi Najeeriya ha wakkatire jonta do.
Ardiido on yotti leddi Qatar mai on bana missalu jamdi sappo e didi Jemma naynde salasa do be kekkide, ha wakkati nde o dilla mai ni o dillidi be ministaajo fiiji yasi leddindi Najeeriya, Ambassador Yusuf Tuggar; saurowo Ardiido leddi hedi yebre rento, Nuhu Ribadu, ministaajo fiiji cheede , Mr Wale Edun, Ministaajo fiiji njamu Ali Pate be ngomnaajo jiha Kaduna, Sani Uba.
Rentobe leddi Qatar ha Doha on jabbi Ardiido on ha wakkati nde o yotta ha babal jippol pirooje leddindin nden be ngannimo adi jabbago kodo maudo to yillibe.
A BELLO
